மாநெல்லூரில் வட்டார வளர்ச்சி அலுவலகம் கட்ட கோரிக்கை

கும்மிடிப்பூண்டி,அக்.30. கும்மிடிப்பூண்டி ஊராட்சி ஒன்றியம் பிரிக்கப்பட்டு, புதிதாக மாதர்பாக்கம் ஊராட்சி ஒன்றியம் உருவாக்கப்பட்ட நிலையில், மாதர்பாக்கம் ஊராட்சி ஒன்றிய அலுவலகத்தை மாநெல்லூர் ஊராட்சியில் கட்ட வேண்டும் என்று மாநெல்லூர் பகுதி மக்கள் சார்பில் மாவட்ட ஆட்சியர் ச.கவிதாவிடம் கோரிக்கை மனு அளிக்கப்பட்டுள்ளது.

கும்மிடிப்பூண்டி அடுத்த மாதர்பாக்கத்தில் ஆய்விற்காக திருவள்ளூர் மாவட்ட ஆட்சியர்

ச.கவிதா வருகை தந்தார். அப்போது மாநெல்லூர் பகுதி மக்களின் சார்பில் சமூக ஆர்வலரும், விசிக நிர்வாகியுமான சம்பத் மாவட்ட ஆட்சியரிடம் கோரிக்கை மனு அளித்தார்.

அந்த மனுவில் மாநெல்லூர் ஊராட்சியில் சிப்காட்டிற்காக நிலம் கையகப்படுத்தப்பட்ட நிலையில்,மாநெல்லூரில் சிப்காட் என்கிற நிலை மாறி சிப்காட்டிற்குள் மாநெல்லூர் என்கிற நிலை உருவாகி உள்ளது. மாநெல்லூர் ஊராட்சியில்வசிக்கும் மக்களின் தேவைகள் நிறைவேற்றப்படாத நிலையில், அப்பகுதியில் அதிக அளவு நிலம் சிப்காட்டிற்காக ஒதுக்கப்பட்டுள்ளது , பொதுமக்களை பெரிதும் பாதித்துள்ளது என்று குறிப்பிடப்பட்டுள்ளது.

மேலும் அந்த மனுவில் திமுக ஆட்சி காலத்தில் கும்மிடிப்பூண்டி ஊராட்சி ஒன்றியத்தில் இருந்து மாதர்பாக்கம் ஊராட்சி ஒன்றியம் பிரிக்கப்பட்டு அரசாணைவெளியாகி 1 ஆண்டு கடந்தும், மாதர்பாக்கம் ஊராட்சி ஒன்றியத்திற்கான வட்டார வளர்ச்சி அலுவகம் கட்ட இடம் தேர்வு செய்வதில் பெரும் குழப்பம் நீடித்து வருகிறது. இந்த நிலையில் மாநெல்லூர் ஊராட்சியில் டஇருந்து சிப்காட்டிற்கு கையகப்படுத்திய 2000க்கும் மேற்பட்ட ஏக்கர் நிலத்தில் இருந்து

மாதர்பாக்கம் வட்டார வளர்ச்சி அலுவகத்திற்கு நிலம் ஒதுக்கி மாநெல்லூரில் வட்டார வளர்ச்சி அலுவலகம் அமைக்க வேண்டும் என கோரிக்கை வைக்கப்பட்டது.

அவ்வாறே மாநெல்லூரில் சிப்காட் தொழிற்பேட்டைக்கு தேவையான நிலத்தை மட்டும் எடுத்து எஞ்சியுள்ள நிலத்தில் விபி ஜி ராம் ஜி

திட்டப் பணிகளுக்கான நிலத்தை ஒதுக்கவும், மாநெல்லூர் பகுதி இளைஞர்களுக்கு விளையாட்டு மைதானம், சிறுபான்மை மாணவர் நல பள்ளி, வீடில்லாத ஏழை எளியோருக்கு இலவச வீட்டு மனை பட்டா ஆகியவற்றை வழங்க அந்த மனுவில்

கோரிக்கை வைக்கப்பட்டது.

தொடர்ந்து இந்த மனு குறித்து விசாரணை நடத்தி நடவடிக்கை எடுப்பதாக ஆட்சியர் ச.கவிதா கூறினார். இந்த நிகழ்வின் போது கும்மிடிப்பூண்டி வட்டாட்சியர் பாலாஜி, ஊராட்சிகளின் உதவி இயக்குனர் பஞ்சு உள்ளிட்டோர் உடன் இருந்தனர்.

Share this content: