தமிழ்நாடு, ஏப்ரல் 25, 2026: தேசிய சாலை பாதுகாப்பு கல்வி சிறப்பு விருதுகள் 2025–26, பள்ளிகளுக்கான தேசிய சாலை பாதுகாப்பு மிஷன் 2025–26 திட்டத்தின் நிறைவு நிகழ்வாக நடைபெற்றது. இதில் சென்னை முக்கிய பங்கேற்பு மையமாக இருந்து, தமிழ்நாட்டில் மொத்தம் 134 பள்ளிகள் கலந்து கொண்டன. அவற்றில் 5 கல்வி நிறுவனங்கள் விருதுகள் பெற்றதுடன், 69 மாணவர்கள் ஒலிம்பியாட் வெற்றியாளர்களாக அங்கீகரிக்கப்பட்டனர்.

தேசிய சாலை பாதுகாப்பு மிஷன் (NRSM) 2024ஆம் ஆண்டு தொடங்கப்பட்ட “நாடு தழுவிய, இணைந்து செயல்படும் அரசு சார்பற்ற முயற்சியாகும்” இது கல்வி தொழில்நுட்ப நிறுவனமான “அகாடெமியா ஆக்சிஸ் கல்வித் தொழில்நுட்ப நிறுவனம் , உலகளாவிய சாலை பாதுகாப்பு மற்றும் “சாலை மற்றும் போக்குவரத்து தொடர்பான உலகளாவிய அமைப்பு”  “சர்வதேச சாலை சம்மேளனம் (IRF)” “இந்தியா பிரிவு”  மற்றும் கல்வி தொழில்நுட்ப தளமான Eduxa.ai ஆகியவற்றின் தலைமையில் முன்னெடுக்கப்படுகிறது. இந்த முயற்சி 35 மாநிலங்கள் மற்றும் யூனியன் பிரதேசங்களில் 5,000க்கும் மேற்பட்ட பள்ளிகளை சென்றடைந்து, “முறையமைக்கப்பட்ட சாலை பாதுகாப்பு கல்வி” மற்றும் பள்ளி நிலை செயல்பாடுகள் மூலம் 2.2 மில்லியனுக்கும் அதிகமான மாணவர்களை ஈர்த்துள்ளது.

இந்த திட்டத்தில், பள்ளி வளாக சுற்றுப்புற பாதுகாப்பு ஆய்வுகள், K–12 மாணவர்களுக்கான “முறையமைக்கப்பட்ட”  கற்றல் தொகுதிகள் மற்றும் பள்ளி சுற்றுப்புற பாதுகாப்பு நிலைகளை மதிப்பீடு செய்து மேம்படுத்தும் மதிப்பீட்டு வடிவமைப்பு ஆகியவை அடங்கும். மேலும், அரசுத் தரப்பினருடன் இணைந்து தேர்ந்தெடுக்கப்பட்ட மாநிலங்களில் முன்னோடி முறையில் செயல்படுத்தப்பட்ட இந்த முயற்சி, ஆய்வு அடிப்படையிலான தலையீடுகள் மற்றும் பள்ளி மண்டல கட்டமைப்பு மேம்பாட்டில் கவனம் செலுத்துகிறது.

இந்த நிகழ்வில் தேசிய சாலை பாதுகாப்பு மிஷன் (NRSM) திட்ட இயக்குநர் திருமதி ரஜினி தாக்கூர்  கலந்து கொண்டார். மேலும், ஹெரிடேஜ் பள்ளிகளின் இணை நிறுவனர் மற்றும் நான் ஒரு ஆசிரியர். என்ற இலாப நோக்கமற்ற ஆசிரியர் பயிற்சி மற்றும் திறன் மேம்பாட்டு அமைப்பின் இணை நிறுவனர் திரு மணித் ஜெயின்  மற்றும் சர்வதேச சாலை சம்மேளனத்தின் (IRF) எமெரிட்டஸ் தலைவர் திரு கே. கே. கபிலா  சிறப்பு விருந்தினர்களாக கலந்து கொண்டனர்.

பாரதம் முழுவதும் உள்ள ஆரம்பக் கல்வியில் பாதுகாப்பான சாலைப் பயன்பாட்டு நடத்தையை “ஒருங்கிணைந்த விரிவான முயற்சியின்”  ஒரு பகுதியாக, பள்ளிச் சூழல்களுக்குள் கட்டமைக்கப்பட்ட சாலைப் பாதுகாப்புத் திட்டங்களைச் செயல்படுத்தி வரும் 1100-க்கும் மேற்பட்ட நிறுவனங்களையும் பங்களிப்பாளர்களையும் வழங்கப்பட்ட விருதுகள் அங்கீகரித்தன. தமிழ்நாட்டில் (சென்னை) நடைபெற்ற இந்த ஒலிம்பியாட் போட்டியில் வெற்றி பெற்றவர்களில், சென்னை ஆர்மி பப்ளிக் ஸ்கூல்; வாணியம்பாடி அல்-ஹுதா மெட்ரிகுலேஷன் மேல்நிலைப் பள்ளி; தஞ்சாவூர் அம்ரிதா வித்யாலயம்; கோவை CS அகாடமி இன்டர்நேஷனல்; மான்செஸ்டர் இன்டர்நேஷனல் ஸ்கூல்; CPS குளோபல் ஸ்கூல்; D.A.V. ஆண்கள் மேல்நிலைப் பள்ளி; D.A.V. பப்ளிக் ஸ்கூல்; G.D. ஸ்கூல்; திருச்சி கமலா நிகேதன் மாண்டிசோரி பள்ளி; கிகானி வித்யா மந்திர்; SBOA பள்ளி மற்றும் ஜூனியர் கல்லூரி; Springdays பள்ளி (CBSE); மயிலாப்பூர் ஸ்ரீ சைதன்யா டெக்னோ ஸ்கூல்; ஸ்ரீ சங்கரா மேல்நிலைப் பள்ளி; SRM பப்ளிக் ஸ்கூல்; அரும்பாக்கம் SV உயர்நிலைப் பள்ளி; த்ரயம்பிகா வித்யா மந்திர்; விக்டோரியா பள்ளி; வித்யா நிகேதன் பள்ளி; மற்றும் The Rajas இன்டர்நேஷனல் ஸ்கூல் ஆகியவை சிறந்த கல்வி நிறுவனங்களாக அங்கீகரிக்கப்பட்டன.

மேலும், வாணியம்பாடியிலுள்ள அல்-ஹுதா மெட்ரிகுலேஷன் மேல்நிலைப் பள்ளியும், SRM பொதுப் பள்ளியும் சிறப்பு அங்கீகாரத்தைப் பெற்றன; அதேவேளையில், G.D. பள்ளியும், SBOA பள்ளி மற்றும் ஜூனியர் கல்லூரியும் முறையே வெள்ளி மற்றும் தங்கப் பிரிவுகளின் கீழ் அங்கீகரிக்கப்பட்டன. ஸ்ரீ சங்கரா மேல்நிலைப் பள்ளி ‘மாற்றத்தை உருவாக்குவோர்’ (Changemaker) பிரிவின் கீழ் அங்கீகரிக்கப்பட்டது.

 “சாலை பாதுகாப்பு கல்வியை அவ்வப்போது நடைபெறும் விழிப்புணர்வு நிகழ்வுகளிலிருந்து, பள்ளிகளுக்குள் கட்டமைக்கப்பட்ட மற்றும் வயதுக்கேற்ற கற்றல் முறையாக மாற்றி வருகிறோம்,” என்று மணித் ஜெயின்  தெரிவித்தார். “2026க்குள் 2 கோடி மாணவர்களை சென்றடையும் வகையில் இந்த முயற்சியை விரிவுபடுத்தும் நோக்கில் செயல்பட்டு வருகிறோம்; மேலும், பள்ளி சூழலில் அளவிடக்கூடிய கற்றல் விளைவுகளை உருவாக்குவதிலும் கவனம் செலுத்துகிறோம்,” என்றார்.

“சாலை போக்குவரத்து விபத்துகள், குறிப்பாக குழந்தைகள் மற்றும் இளம் வயதினருக்கு, மிகக் கடுமையான பொது பாதுகாப்பு சவால்களில் ஒன்றாக தொடர்ந்து உள்ளது. பாதுகாப்பான சாலைகளை உருவாக்க விரும்பினால், பாதுகாப்பற்ற பழக்கங்கள் உருவாகும் முன்பே கல்வி தொடங்க வேண்டும். பள்ளிகளுக்கான தேசிய சாலை பாதுகாப்பு மிஷன், சாலை பாதுகாப்பை குடிமைப் பொறுப்பாகக் கருதும் ஒரு தலைமுறையை உருவாக்க உதவுவதை நோக்கமாகக் கொண்டுள்ளது,” என்று கே. கே. கபிலா தெரிவித்தார்.

 “தேசிய சாலை பாதுகாப்பு மிஷன் என்பது ஒரு திட்டம் மட்டுமல்ல; மக்களால் உருவாக்கப்பட்ட, மக்களுக்கான ஒரு இயக்கமாகும். எங்கள் சாலைகளில் பாதுகாப்பு பண்பாட்டை உருவாக்கும் எங்கள் நோக்கம், பள்ளி தலைவர்கள் மற்றும் பெற்றோரின் இடையறாத ஒத்துழைப்பின்றி சாத்தியமில்லை. நாம் ஒன்றிணைந்து சாலை விதிகளை மட்டும் கற்பிப்பதல்ல—எங்கள் சமூகங்களின் எதிர்காலத்தையே பாதுகாத்து வருகிறோம்,” என்று Rajni Thakur தெரிவித்தார்.

மேலும், டெல்லி அரசின் அமைச்சரவையில் அமைச்சர் ஆக உள்ள Parvesh Verma இந்த முயற்சிக்கு தனது ஆதரவைத் தெரிவித்ததுடன், பள்ளி நிலை சாலை பாதுகாப்பு கல்வியை ஊக்குவிப்பதில் இதன் முக்கியத்துவத்தை குறிப்பிடி அதன் செயல்பாட்டை உற்சாகப்படுத்தியுள்ளார்.