கோயம்புத்தூரில் உள்ள பெரியார் அறிவுலகத்திற்குப் புத்தகங்கள் கொள்முதல் செய்ததில், கடும் முறைகேடுகள் நடைபெற்றுள்ளதாக அமைச்சர் ராஜ்மோகன் குற்றம் சாட்டியுள்ளார். எழுத்தாளர் பெருமாள் முருகன் இதுதொடர்பாக எழுதிய கட்டுரையில், ’அகல் விளக்கு’ என்ற புதிய பதிப்பகத்தின் வாயிலாக ஆயிரத்து எண்ணூறு புத்தகங்கள் அதிக விலைக்கு வாங்கப்பட்டுள்ளதாகக் குறிப்பிட்டுள்ளார். பிற பதிப்பகங்களில் முன்னூற்று ஐம்பது ரூபாய்க்கு விற்கப்படும் நாலடியார் புத்தகம், இங்கு ஆயிரத்து நானூற்று நாற்பத்து ஐந்து ரூபாய்க்கு விலைக்கு வாங்கப்பட்டுள்ளது. மேலும், வரலாற்று மற்றும் இலக்கியத் தகவல்கள் தவறாக அச்சடிக்கப்பட்டிருப்பதாகவும் அவர் தெரிவித்துள்ளார். இதனையடுத்து உரிய விசாரணைக்கு உத்தரவிடப்பட்டுள்ளதாகவும், முறைகேட்டில் ஈடுபட்டோர் மீது சட்டப்படி கடும் நடவடிக்கை எடுக்கப்படும் என்றும் அமைச்சர் ராஜ்மோகன் உறுதியளித்துள்ளார்.